'A ARA !

8 9 'O Te-Ari'i-o-te-Ra'i Lani. I te piti o te taime, 'ua tūra'ihia 'e 'ua topa 'oia, te ihu i roto roa i te merēti mā'a. E teie ā reo mana 5 a teie ari'i : - E hoa a'e ra e Temata, ha'apāpū pa'i i te 'āvae ! Ha'apa'ari pa'i i te rima ! Fa'atāne pa'i ! 'Ē, 'oia mau, 'ua ha'apa'ari 'oia i te rima nō te tūpa'i atu. 'Aita rā i naho 6 , 'ua pāruruhia teie ari'i e tōna teuteu, maoti rā te fa'atere. Nō reira, nō teie mau 'ohipa 'ino, 'ua fa'aātea roa 'oia i teie ari'i. Teie ari'i nui, 'o tē pari ha'avare noa nei ā ia Māmahu. Māmahu iti ē, 'o tōna ïa hoa rahi, i 'ōpua ai e 'imi i te parauti'a. Riri, rere, rara atura 'o Kuriri i teie parau 'āpī. Pūpuni ihora 'o Kaveu. 5 Te parauparau ra 'o te TAOTRL mai te hō'ē ari'i. 6 'Aita ra i ti'a, 'aita ra i tupu. - Aiā ! 'Ua 'ī te one i te putara'a tīa'a i te 'ūputa fare o Te-Ari'i-o-te-Ra'i Lani ! Tōna ïa hepohepo. ' Aita hō'ē noa a'e tāpa'o nō te turu mai… - Temata, 'o Te-Ari'i-o-te-Ra'i Lani teie, 'ua fa'aoti au 'o Māmahu te ta'ata 'eiā, e aha ïa tā 'oe e onoono noa nei… 'O vau te « Boss man » ! I terā noa parau, mau atura te 'arapo'a o te ta'ata nei ia Temata. - 'Āhani, 'o vai te « BOSS MAN » ! E Te-Ari'i-o-te-Ra'i Lani , mai te mea noa atu pa'i, 'ua huna 'oe i tā 'oe « iPod », nō te pari ha'avare noa i tō'u hoa, e taparahi au ia 'oe ! 'Ē ! 'Ua 'ite mai 'oe i teie rima ! - 'Eiaha Temata, 'eiaha e tūpa'i mai ! Tē ri'ari'a nei te ari'i. - I hea roa tō 'oe hunara'a i te « iPod » ? - 'Aita vau i huna ! 'Ua 'eiāhia te « iPod » ! Auē atura 'o Te-Ari'i-o-te-Ra'i Lani ma te rūrū…