'A ARA !

10 11 Hotahota ihora 'o Temata mai te tahu'a ra i ni'a i te marae. Tāumi atura i te upo'o nui, parau atura ma te reo haruru 'e te hanahana : - E tā'u ari'i ē, Mai teienei e tae roa atu i te hope'a, Teie tō 'oe i'oa 'āpī. 'O Te-Ari'i-o-te-Ta'i Lani ! E Te-Ari'i-o-te-Ta'i Lani ē, 'A ti'a, 'a ta'i ! 'A ta'i 'e 'a rere ! 'A rere i tō aora'i ! I tō aora'i e ta'i ai ! 'Aita te tahu'a i tāpiti i te parau, 'ua farara te fara i te horora'a a Te-Ari'i 7 . 'E, tē horo ato'a nei te ferurira'a 'o Temata, tē fifi noa nei ā. E parauti'a ānei tā te ari'i ? 'ua 'eiā-mau-hia ānei tāna « iPod » ? 'Aore rā… 'ua huna 'oia… ? 'Aita tāna e pāhonora'a pāpū ! Riri, rere, rara atura 'o Kuriri i teie parau 'āpī. Pūpuni ihora 'o Kaveu. 7 'Ua hipa te fara i tōna horo vitivitira'a : 'ua pūehu te ha'apa'ora'a 4. Nā te tūpāpa'u ānei ? Tē tapitapi nei te ferurira'a 'o Temata i teienei, inaha, 'aita 'oia i nu'u noa a'e. 'Aita rā 'oia i fa'aea i te uiui i terā 'e i terā fare, i terā 'e i terā tama. 'E i te tahi mahana, 'ua fa'aro'o 'oia e piti nā tama i te 'āparaura'a : - Iaaa ! 'Ua 'ite 'oe ? - 'Ite i te aha ? - Inapō ra pa'i… - 'Ē inapō ra, e aha pa'i ïa ? - 'Aita ! 'Ua 'ite au i te hō'ē mea huru 'ē roa i rāpae i tō 'u fare… - E kaveu ?