'A ARA !

12 13 - E 'ita ! 'Āhani e Kaveu, « e tikitiki ïa te roeroe » 8 ! - E'ere i te kaveu, e aha rā ïa ? E moemoeā ? - E'ita ! Mai te mea ra e ta'ata tā'u i 'ite, e'ere rā i te ta'ata ! - E ta'ata e'ere ato'a rā i te ta'ata ! E aha ïa huru… ? - 'Oia ! E mea 'uo'uo ! - Iaa, e tūpāpa'u paha ïa ! - 'Ē, terā ihoā ! 'Aita ato'a tōna e 'āvae ! - Uēēē, « la Dame Blanche »… Mana'o atura 'o Temata : - E tūpāpa'u mau ānei ? E'ere ānei nā teie tūpāpa'u i 'eiā i te « iPod » ? Nō reira, 'ia tu'i te pō 9 , e'ita 'oia e ta'oto. I vaho 'oia e tāmoemoe ai 10 . I raro a'e i te tumu tou e tīa'i noa ai 'oia i teie tūpāpa'u. 'Aita rā e tūpāpa'u, e tupa noa teie e 'āparau nei iāna. I te tahi rā pō, pō feti'a 'ore, te pō e oriori ai te vārua, 'ua fa'aro'o 'o Temata i te 'ahehe. - Nō hea roa mai teie māniania ? Tē fifi nei te ferurira'a o te 'aito. Mai te mea pa'i e tūpāpa'u ihoā ! Tē rahi nei te upo'o. ' Auē, māmā ē ! Tē tara nei te rouru ! Fa'aoti vave atura tāna mau pure : Te pure tāmā'ara'a Te pure ta'otora'a… 'Ia itoito 'oia nō teie 'arora'a. 5 Aura'a parau pa'umotu : 'E pa'ia maita'i ia. 9 'Ua hora 12 i te pō. 10 Tāpuni nō te fa'a'ao'ao. 'Ē, e 'arora'a nui teie, inaha, e 'aro 'oia i te tūpāpa'u ! Nā muri atura 'oia i teie māniania. Tae atura i te hō'ē vāhi mana'o 'orehia… te fare 'ie a te mau rautī ! Ta'ahi hape ihora 'oia i te tahi 'ahu… E tāpo'i ro'i 'uo'uo, te 'ahu ïa o te tūpāpa'u ! Tei hea ho'i teie vārua 'ino ? Teie toa ? Tūtonu atura 'oia i te uri o te pō 11 . 'Ite atura i teie tuputupuā, 'o Pana ! 'O Pana … teie tuputupuā mai roto mai i te fare 'ie… e faraoa tō te rima. Tāpe'a atura i te tapono. Horo atura teie tuputupuā, mai te ta'ata i fārerei i te hō'ē tūpāpa'u. Erā te vaha i te rahi ! - Māmā, e tūpāpa'u ! Mo'e atura teie i roto i tōna fare 'ie, 'aita rā i fa'aru'e i tāna faraoa ! Riri, rere, rara atura 'o Kuriri i teie parau 'āpī. Pūpuni ihora 'o Kaveu. 11 Hi'o maita'i atura 'oia i roto i te pōiri.