'A ARA !

14 15 5. Nā Pana ānei ? - E Pana iti ē, e reo teie nō Temata, e aha tā 'oe 'ohipa inapō ra ? - 'Aita, 'ua ta'oto noa vau ! - Aaa ! 'Ua ta'oto noa 'oe ? - 'Ē, e rohirohi tō'u inapō ra ! - Aaa ! 'Ua ta'oto rā 'oe i rāpae ! Fa'a'ite atura 'o Temata i te 'ahu 'uo'uo. 'Ua ta'oto 'oe i roto i te fare tāmā'ara'a ! - Te fare tāmā'ara'a ? - 'Ē, te fare vaira'a mā'a pa'i ! - Te fare vaira'a mā'a ? Tē ha'avare 'ite nei teie. - 'Ē, e Pana iti ē, 'ua mo'e ato'a te faraoa ! - Aaa ! 'O 'oe ïa e Temata, te tūpāpa'u i fa'ari'ari'a iā'u inapō ra ! - Terā ihoā e Pana ! Tā'iri'iri atura i tō rāua rima. - Iaa, Temata ē ! 'Ua oti roa vau i te ri'ari'a ! E mata'u rahi tō'u ! Fātata tō'u māfatu i te haere i rāpae ! 12 - Hahaha ! 'Ata atura rāua. Nō te aha 'oe i rave ai i te faraoa ? Mau tā'ue atura te 'ata a Pana. - Temata, pohe noa tō 'oe hoa i te po' ia ! - E aha ïa ? - ' Aita ho'i e fare toa i 'ō nei ! I mua, e miti ! I muri, e miti ato'a ! 'Ia 'ite mai 'oe, e toru merēti mā'a e pa'ia ai au ! - E toru ? ? - 'Ē, e toru merēti 'ī maita'i ! E « châteaux » ! - Aaa ! Tē ta'a atu nei ! E ti'apa'i tama ihoā 'o Pana. - Nō reira ïa 'oe i rave ai i te mā'a i roto i teie fare ! - 'Ē, e Temata ! Nō reira ato'a vau i tu'u ai i teie 'ahu 'uo'uo, 'ia ri'ari'a tō tāuamau hoa… Tē 'ite ra 'oe. Tē vai ra i roto i te upo'o ! Tē fa'a'oru nei teie. - Pana iti ē. Teie pa'i tūpāpa'u, 'aita ānei i 'amu ato'a i te « iPod » a Te Ari'i-o-te-Ra'i Lani ? - 'Aita, 'aita ! E 'ino'ino rahi tō Pana i teie uira'a. E ta'ata 'amu mā'a vau ! E'ere rā i te ta'ata 'eiā ! 12 'Ua ri'ari'a roa 'o Pana.