'A ARA !

16 17 - 'E te faraoa ïa ? 'Aita 'oe i 'eiā i te faraoa ? - E'ere i te 'eiā, tō'u hoa ! Te faraoa, e mā'a ! E mā'a nō te 'ōpū ! E 'ōperehia te faraoa ! E'ita te mā'a e 'eiāhia ? E rave-noa-hia te mā'a ! - Aaa 'ua rave noa ïa 'oe i te « iPod » ? - 'Aita, « jurez » ! - « Jurez », e'ere ihoā nā 'oe i 'eiā i te « iPod » ! Ra'ura'u a'era 'o Pana i tōna upo'o. - E aha rā 'oe ! 'Ua 'ite 'oe e Temata, mea hae ato'a nā 'u ia Te Ari'i-o-te-Ra'i Lani ! - E aha ïa ? - 'Ē, e fa'ati'ati'a noa hia tōna mau mana'o. - Fa'aātea ! E au ihoā 'ōna i te hō'ē pēpe ! - 'Ē, 'ua parau 'ōna iā 'u e fa'anaho i tōna ro'i ! 'Aita te mau rautī i 'āueue noa a'e ! - Parau mau ? 'Ua riro 'oe 'ei tītī nāna ! - Tē ta'a ra ia 'oe ! Mea māramarama roa ! Nō reira, e'ita vau e au iāna ! Tīa'i mai tāna ! Tē mana'o tāho'o nei 'o Mamāhu. - 'Ē, e vaiiho vau ia 'oe e Pana ! E haere au e taofe. - 'Ē, tāua noa… 'o te muhumuhu ïa a Pana. 'A rave atu i te faraoa, 'ia ho'i atu 'oe ! - Māuruuru e Pana, 'a tāpe'a noa atu ! Riri, rere, rara atura 'o Kuriri i teie parau 'āpī. Pūpuni ihora 'o Kaveu. 6. 'Ua 'ēiāhia te uāti ! 'Aita 'o Temata i taofe maita'i ! Tē fifi nei te ferurira'a : 'A tahi, te parau ïa nō Te Ari'i-o-te-Ra'i Lani. 'Ua huna 'oia i tāna « IPod ». 'Ua pari ha'avare 'oia ia Māmahu. Te tumu, nō tōna au 'ore i te feiā ri'iri'i. Te fifi rā, te tīa'a ia 'o Māmahu. 'A piti, te parau ïa nō Pana. 'Ua 'eiā 'o Pana i te mā'a. E ta'ata māramarama 'oia. 'Ua 'eiā ato'a paha i te « IPod » ? Te tumu, te mana'o tāho'o. 'Aita e pāhonora'a pāpū… Tē taofe 'e tē feruri nei 'o Temata.