'A ARA !

18 19 Tē horomi'i nei 'o Pana i te faraoa. Huehuera'a ïa te 'aira'a mā'a. 'Ōfera atura te pārahira'a. Puehu atura te mā'a i ni'a i te one. - E aha fa'ahou ā teie ? Āiii ! 'O Te Ari'i-o-te-Ra'i Lani fa'ahou ā. Te Ari'i-o-te-Ta'i rahi. - 'Auē, 'ua 'eiāhia tō'u uāti ! Te ta'i ïa o te ari'i nei. 'Aita te mau tama i tāu'a noa a'e, 'ua ti'a te rahira'a… 'ua ho'i i roto i tō rātou fare. Te tumu ia i riri ai te fa'atere nō teie pū, i fa'aho'i ai 'oia i te tā'āto'ara'a i te fare tāmā'ara'a. I reira 'oia i te tama'ira'a. - 'Aita 'outou i aroha i tō 'outou hoa ! Hō'ē noa iho hepetoma, e piti tauiha'a tāna i mo'e ! 'A tahi ra vau 'a fārerei ai i te tamari'i hā'iri'iri mai ia 'outou na ! Tē pi'o nei te mata, tē 'ata fa'ao'ō'o nei te tama. E Te Ari'i-o-te-Ra'i Lani, ināfea teie 'ohipa i te tupura'a ? E reo mona 13 tō Tefati. - 'Aita vau i pāpū ! Inapō ra, 'ua vaiiho vau i tō'u uāti… ? 13 .e reo fa'ati'ati'a ia TAOTRL - Nō te aha ? Te uira'a ïa a Temata. - 'Ua ma'ero pa'i tō'u rima 'e 'ua vare'a vau i te ta'oto. 'Aita rā i maoro, 'ua fa'aro'o vau i te māniania. E 'ahehe, mai taua māniania ra tā 'u i fa'aro'o i te pō i 'eiāhia tā'u « IPod ». - E aha ïa te mana'o ? Te piti ïa o te uira'a a Temata. - Te ta'ata i 'eiā i te « IPod », 'o te ta'ata ato'a ïa i 'eiā ai i te uāti ! Te pāhonora'a ïa a Pana. - Iā 'u rā i tūrama atu, 'aita hō'ē mea a'e ! Te parau hope'a ïa a te Ari'i. 'Aita e ta'ata ! Ta'oto fa'ahou atura vau. Nō teie noa nei po'ipo'i, tō 'u 'itera'a ē, 'ua 'eiāhia tā'u uāti. Riri, rere, rara atura 'o Kuriri i teie parau 'āpī. Pūpuni ihora 'o Kaveu.