'A ARA !

22 23 Horo ti'a atura 'oia e tūpa'i i te ari'i. I reira, tō Te Ari'i-o-te-Ra'i Lani tāponira'a i muri i te fa'atere o teie pū. 'Ohipa iti rahi tā Temata i te tāmarūra'a i tōna hoa. - E 'ere au i te ta'ata 'eiā ! Maumau 'ore te reo 'o Māmahu nō tōna riri fāito 'ore. - 'Aita vau i 'eiā noa a'e i tō'u orara'a ! 'E 'ua nava'i roa vau i te fa'a'ino-noa-ra'a-hia ! 'A haere mai e Te Ari'i-o-te-Ra'i Lani ! ' Eiaha e tāponi ! 'A haere mai, e tarai au ia 'oe ! - Tefati, 'eiaha na e tāpe'a iā'u ! ' O te reo ïa o te ari'i. E papa'i au iāna ! E taehae rahi tō Māmahu i te fa'a'ati-noa-ra'a ia Tefati nō te hōhoni. 'Ua huehue 'ino roa teie fare. E au mau i te titora'a 'ūrī. - 'Ua 'itehia tō 'oe tīa'a ! 'O te reo ri'ari'a ïa 'o Te Ari'i-o-te-Ra'i Lani, mai muri i te tua 'o Tefati. - 'Ē, parau mau ! Nō 'u teie tīa'a ! 'Aita rā vau i 'ite mea nāhea tōna taera'a atu i mua i tō 'oe fare ! 'Aita ! 'Aita roa atu ! 'Ua 'ite mata rā 'oe iā'u i te 'eiāra'a ? 'Aita ! 'Aita roa atu ! 'Ua 'itehia te « IPod » 'e te uāti i tō 'u fare ? 'Eiaha e pari noa ! - 'Oia, Māmahu ! Nō vai teie reo ? E reo teie nō te tahi rautī. - 'Ua 'ite au i teie uāti i mua i te 'ūputa fare… Tō 'oe fare, Māmahu ! 'Ua vai māmū noa te ta'ata. Parau ihora 'o Tefati. - Te Ari'i-o-te-Ra'i Lani, nō 'oe teie uāti ? - 'Ē, mai te mea 'ua nana'ohia te mau reta mātāmua o tō'u i'oa, T.A.O.T.R.L ! T nō te Te. A nō te Arii. O nō te O. T nō te Te. R nō te Ra'i. L nō te Lani. T.A.O.T.R.L, ' o Te Ari'i o te Ra'i Lani ïa. Maoti rā, 'o vau ia ! - 'Oia mau ! terā ihoā ! te pāhonora'a ia a te rautī. Tuō a'era 'o Māmahu : - E'ere nā' u i 'eiā ! Temata, 'a parau ia rātou ! E'ere nā'u ! Riri, rere, rara atura 'o Kuriri i teie parau 'āpī. Pūpuni ihora 'o Kaveu.