'A ARA !

26 27 I roto rā i tōna nanera'a, 'ua fa'aru'e 'oia i tōna tīa'a i te 'ūputa o tō'u nei fare ! « Bandit », nō te mea, 'ua 'eiā 'oia i tā'u uāti ! 'Ua 'ite ato'a tātou ! I roto rā i tōna nēnevara'a, 'ua ha'atopa 'oia i teie uāti, i te 'ūputa o tōna iho fare ! Terā tei parauhia e ma'au ! Māmahu, e « Bandit-Voleur » ma'au ïa ! 'Ata'ata a'era te ta'ata. - E vauvaura'a mana'o māramarama mau teie ! ' o te reo ïa 'o Tefati. Riri, rere, rara atura 'o Kuriri i teie parau 'āpī. Pūpuni ihora 'o Kaveu. Hotahota ihora 'o Temata, parau atura 'oia : - Te mea noa i pāpū ia tātou, te tīa'a…, nō Māmahu ! Mea nāhea teie tīa'a tōna i te taera'a i mua i te fare o Te Ari'i ? 'Aore tātou i 'ite ! Mea nāhea teie uāti i te taera'a i te 'ūputa o te fare o Māmahu ? 'Aore ato'a tātou i 'ite ! Inaha, 'aita hō'ē noa a'e, i roto ia tātou, i 'ite mata ia Māmahu i te 'eiāra'a ! Mai te mea 'ua 'eiā 'oia ! Pōpō atura te tama ma te hurō. 'Ua mona roa ia rātou teie mau parau. 9. Nā Temata ānei ? Ta'i a'era te hio. Hitimahuta ihora te tama. Parau atura 'o Tefati ia Temata. - Temata iti ē, 'a ha'amāramarama mai na ia mātou ! - 'Ē, 'ua ti'a roa iā'u ! - E hoa nō 'oe 'o Māmahu ? - 'Ē, e hoa rahi ! - Hō'ē ā tō 'ōrua fare ? - 'E hoa a 'e ra, 'ua 'ite ho'i 'oe ! - Hō'ē noa ta'ata o tei 'ite ia Māmahu i roto i tōna fare. I teie nā pō e piti, i 'eiāhia ai te « IPod » 'e te uāti… Hō'ē noa ta'ata ! 'O 'oe, Temata ! - E aha ïa te fifi ? - 'Aita e fifi ! 'Ua fa'aau parau rā 'ōrua ! - 'Aita ! 'Aita ! Tē riri nei 'o Temata.