MAUX contre MOTS

88 I te tau ’āuiui, i ha’amori ai te ta’ata i te mau atua rau, i roto i te ’oire nō Taravao, tē ora ra te hō’ē ’utuāfare ta’ata a’ua’uhuna : ’o Teahi, ’o Tevai, ’o Tupa, ’o Naki ’e ’o Tahi. E haere pinepine rātou e a’ua’u i te honu, te ’ā’ahi ’e te tohorā. E ’utuāfare veve teie. No reira rātou i taparahi pohe ai i te ’ānimara nō te ’aitaui i te tahi atu mau ’ohipa tā rātou e hina’aro nei. I piha’i iho i tō rātou fare, tē fa’aea ato’a ra hō’ē ’utuāfare : e mau ta’ata pāruru ’ānimara. E tu’u fa’ahou rātou i te mau ’ānimara i haruhia i roto i te pape. ’O Nohora’i te tāne ’e ’o Miti te vahine. I te hō’ē mahana, ’ua pūpū te atua ’o Temoananui i te hō’ē ō nā teie ’utuā- fare : hō’ē tama. ’O Ma’o tōna i’oa. Mea ’ē roa te huru o teie tamaiti ’ia fa’aū ana’e tōna huru e tō te tahi atu mau tama tā rāua. E nehenehe tāna e huti i te aho i raro a’e i te pape. E ’iri mānina maita’i tōna. ’E tama ’au vitiviti teie. ’Āre’a rā i te mau ta’ata e ora rā nā piha’i iā rātou, e mau ta’ata pohehae ia i tā rāua tamaiti. I te hō’ē pō ’āva’e maita’i, ’ua ’ōpua ’o Ma’o e haere e ’au. I te hō’ē taime, ’ua ’ite te mau ta’ata a’ua’uhuna iā Ma’o ’e ’ua moemoe iāna nō te tāpa- rahi ha’apohe atu iāna. I te po’ipo’i a’e, ’ua ’oto tōna nā metua i te ’itera’a i tōna tino pohe i te pāinu-haere-noa-ra’a i te muriāvai. ’Ua tāora nā metua i te tahi mau tiare mai te ’aute, te tiare tahiti i roto i te moana ’ei tāpa’o aroha i tō rāua tama. I te reira ihoā pō, ’ua riro mai te tino ’o Ma’o ’ei i’a. ’Aita ā huru ’ohipa i ’itehia. ’Ua tupu mai te tahi tarani’a i tōna tua. Mai te ’ie o te hō’ē va’a te rahi. Tōna rahi, ’ua ’aifāito i te rahi o nā va’a tau’ati e piti. MA’O, TE PĀRURU MOANA TEXTES ÉCRITS EN REO PAR LES ÉLÈVES DE 6 e ET DE 4 e COLLÈGE DE TARAVAO