MAUX contre MOTS

90 E mea maoro i teie nei, i ni’a i te hō’ē mou’a nō Papeari, tē ora rā te hō’ē tumu rā’au noera ’āpī. ’O ’ōna te rā’au na’ina’i roa i roto i teie mau rā’au rārahi,’e, i reira e fa’aro’ohia ai te mau manu i te hīmenera’a mai te po’ipo’i e tae roa i te pō. I te hō’ē mahana, ’ua ’āere noa te mau pēre’o’o ’āuri rarahi i roto i teie fa’a nehenehe mau. ’Ua tāpūpūhia te mau rā’au rarahi. ’Ua heruhia te mau ’āpo’o rarahi ’e te mau pēre’o’o heru repo. ’Ua teretere noa te mau pēre’o’o pāni rarahi o tei fa’a’īhia i te repo. Tau ’āva’e i muri mai, ’ua tae mai te mau pēre’o’o ’ohi pehu e fa’aru’e i tā rātou mau pehu i reira. ’Ua vi’ivi’i te fa’a ’e ’ua parare te hau’a ’ino i roto i teie fa’a. ’Ua pa’ari te rā’au noera i teie nei. ’Ua ’ī tōna mafatu i te ’oto nō te mea ’aita ’ōna e fa’aro’o fa’ahou nei i te mau manu i te hīmenera’a ’e ’ua mo’e ato’a te rahira’a o tōna mau hoa. Te vāhi hau tāna i ora noa na, ’ua riro ia ’ei pū fa’aru’era’a pehu i teie mahana nō tō Tahiti ’e nō tō Mo’orea. ’Ua topahia te i’oa ’o teie vāhi ’o Pa’ihoro. ’Ua ’ite te rā’au noera i te tauira’a ’o tōna fa’a nehenehe mau ’ei pū fa’aru’era’a pehu. ’Ua ti’a mai te tahi tā’atira’a nō te pāto’i i teie ’ohipa, ’aita rā te reira i ma. ’O PAPEARI I MŪTA’A, ’O PA’IHORO I TEIENEI… Auteurs : Tiare MOU, Kuuipo WONG Classe : 6 e 8 COLLÈGE DE TARAVAO