MAUX contre MOTS

94 I te ’ ōmuara’a o te ’ ā’amu, e orara’a ’ oa’oa tō Kemanuokehini rāua ’ o Me- heani. E manu toa, e manu ari’i, e manu marū maita’i ’ o Kemanuokehini. Tōna huruhuru, e huruhuru ’ ere’ere ’ e te ’ ana’ana ato’a. E manu nō tua. E ’ uriri, e ari’i vahine ’ e te hāviti ato’a ’ o Meheani. Tōna huruhuru, e huru- huru tea, tea ’ ana’ana maita’i. E manu ’ oia nō te tai. Terā ra i te hō’ē mahana, ’ ua mo’e ’ o Meheani. Nō reira tere atu ra ’ o Ke- manuokehini e mā’imi ia Meheani. ’Ua mana’o ’o Kemanuokehini, ’ua rere paha tāna vahine e ti’i i te mā’a i te pae tahatai ’aore ra i roto i te fa’a. Ma te ri’ari’a, ’ua rere te manu ari’i i te pae tahatai ’e i te pae mou’a. I tōna terera’a, ’ua ’ite ’ōna te mau pehu i mānu i ni’a i te miti mai te mōhina ’ūrina, te punu ’e te rā’au. ’Ua tupu te mana’o pe’ape’a, ’ua pāinu paha tāna vahine i roto i teie mau pehu. ’Ua tāmoemoe ’ōna ia Meheani. ’Aita iho ā ’o Meheani i reira ! ’Ua tae atu ra ’ōna i te pae tahatai ’e i te pae mou’a, ’aita iho ā ’o Meheani i reira ato’a ! ’Ua ho’i atu ra ’ōna i tua, pouanuanu fa’ahou ’e ’ite atu ra ’ōna i te ma’o, te tohorā, te mahimahi ’e te ’ā’ahi. ’Ua ani ’ōia ia rātou mai te peu ’ua ’ite rātou i te hō’ē manu ufa. ’Ua pāhono rātou ia na ē : « ’Aita roa atu! » ’Ua pō. ’Ua ’ōpua ’o Kemauokehini e ho’i i te fare ma te ’oto, i te tumu ahi i Keiaki. I tōna terera’a, ’ua ‘ite ’ōia i te hō’ē manu pura i roto i te mau ata. ’O Meheani ! ’Ua ’oa’oa roa rāua ! E aha te ’ohipa i tupu ? ’Ua fa’a’ite ’o Meheani ia Kemanuokehini, ’ua ’amu rahi roa ‘ōna i te i’a ’e ’ua hina’aro ’ōna e ho’i i te fare. Tera rā, ’ua mo’e ia na te ’e’a o tō rāua tumu ahi. I taua taime ra, ’ua ’āpe’e ’o Kemanuokehini i tāna vahine i Keiaki ’e ua tau rāua i ni’a i tō rāua tumu ahi. KEMANUOKEHINI Auteur : Tahiti MATEHAU Classe : 4 e 4 COLLÈGE DE TARAVAO