Mahina

Täpapa mai ra ’oia i täna vahine here rahi ‘o te purotu ra ’o Hina. I ni’a i töna ’ë’a, paripari noa atura ’oia ma te pi’i i te mau atua o te nätura : 20 E Ta’aroa ë ! E Ta’aroa ë ! Te tumu nö te papa Papa ni’a, papa raro ’Aore roa e mea e tinai ia ’oe E Rä ’ua fä E Rä ’ua tape E Rä ’ei ’oa’oara’a ’Ei ’oa’oara’a nö te mau mea ato’a E vai nö ni’a E vai nö raro E vai nö te hotu E vai nö te tämarü I tö ’iri e Hina E Hina ’o tö’u ora E Hina ’o tö’u ’oa’oara’a E Hina ’o tö’u aroha E Hina ’o tö’u manuiara’a E Hina ë, purotu nö te ao E Hina te viruviru Te viruviru o te mau here E Hina o te mata marü Te marü mai te hupe Te hupe o te mau ’äivi Verohuri ë ! Verohuri ë ! ’A aru mai na ’oe Ma te ’aromöinahia I te mata tino Verohuri ë ! Verohuri ë ! ’Ärepurepu na ’oe I roto i te vai I te vai ’o Vaimuna Verohuri ë ! Verohuri ë ! Vete ä na i te ’iri Te ’iri ravarava o tä’u here Te here o tö’u ora ’O Hina te purotu Verohuri ë ! Verohuri ë ! Të vovö nei tö ’oe reo Nä roto i te mau aroä Te aroä o te fa’a Te fa’a nö Tuä’uru «’Ua mä Hina, ’ua mä Hina.» Ta’aroa ë ! Ta’aroa ë ! Te rä ë ! Te rä ë ! Te vai ë ! Te vai ë ! Te verohuri ë ! Te verohuri ë ! E ao, e ao, e ao ! ’Oa’oa, ’oa’oa, ’oa’oa !