NA MAEHAA NO FAAA

18 ’Ua manao ihora te tahi e, e ha’uti räua, e fa’ati’a taputö nö te ha’amähana- hana ia räua, ’e ’ua na reira ihora räua. Mea au roa te ha’amatara’a, ’ua haere roa ra te tüpa’ira’a a te tahi i te püaira’a, ’e ’ua nä reira ato’a ho’i te tahi, riro roa atura te ’ohipa ha’uti ei ’ohipa mau, mea iti roa tö räua haura’a ’e ’ua ha’amata fa’ahou. ’Ua parauhia atura taua vähi ra e ’o Hauiti, ’ua ta’aviri nä ni’a i te repo i ni’a i te tü’iri, ’ua ma’irihia taua vähi o Tua’iri’iri, nä ni’a mai ’ua horohoro mai räua e tae roa mai nei i raro, ’ua ma’irihia taua vähi ra ’o Te Horohoro. ’Ua tüpa’i te tahi i te tahi, ’ua ’ere’ere tö te tahi mata, parauhia ’o Mata’ere’ere i teie nei mahana.