TAFAI

13 T aora atura Täfa'i i täna taura, 'e, te fenua mätämua täna i hï mai, 'o 'AIHÏ ïa, tei pi'ihia i teie mahana HAWA'I. Fä maira nä tara maeha'a o 'AIHÏ mai roto mai i te mätä 'are 'e fana atura i te ra'i. 'Äre'a i töna mau hiti ra, 'ua toro 'a tärava haere ai, ë tae noa atu i te paera'i. Topahia ihora e tö TAHITI te i'oa ra HAWA'I-Ï-'Ä, HAWA'I tei 'ä, nö te ahi mure 'ore nö roto mai i te 'utu o te mou'a ahi ra, 'e, nö te fa'ata'a'ë i taua fenua ra ia HAWA'I nö te pae 'apato'a. I muri iho, 'ua hï mai Täfa'i i te fenua ra MÄUI, 'ei fa'ahanahana i te 'aito ra 'o Mäui, i töna vehera'a i te ao : te fenua i te hö'ë pae 'e te ra'i i te tahi pae. E fenua tupura'a teitei ato'a teie. Tautai haere noa atura 'o Täfa'i mä ë pau roa a'era te mau fenua o te ta'amotu nei i te töhia mai e rätou, mai roto mai i te moana paruparu.