TAFAI

17 T ae a'era rä i te tau, mihimihi 'ihora te mau ta'ata i purutia atu i 'apato'erau, i tö rätou mau fëti'i i fa'aea i 'apato'a, i te mea ë, 'ua ätea rätou rätou iho ; 'äre'a 'o Täfa'i ra, 'o tei ho'i i TAHITI, 'öpua ihora i te fa'aho'i mai i 'apato'a i te ta'amotu nö HAWA'I. Nä roto i te tauturu a töna mau hoa, fa'aineine atura rätou i te taura röroa 'e te pa'ari maita'i. Ta'o a'era Täfa'i i te mau atua 'e a'o atura i töna mau ta'ata : - 'A ara mäite, 'eiaha te mana të ha'amanuia i tä tätou 'öpuara'a 'ia 'ore. 'Aore e parau, 'aore e färiu 'ia ha'amata te 'ohipa, 'oi riri te mau atua, 'a fa'aru'e mai ai ia tätou. Tä'amu mäite a'era rätou i te mau fenua täta'itahi 'e riro maira 'ei firi hö'ë, 'a täpona atu ai i ni'a i te va'a tau 'ati 'o Täfa'i. Tere marü atura te va'a ra 'a hoe mü noa ai te feiä hie, mä te hi'o tütonu i mua. 'Aore i maoro, hä'uti'uti ihora te mau fenua, 'e, pe'e 'aifaroti'a atura te va'a rahi o Täfa'i ra.