TAFAI

19 V evovevo a'era te mau pöpöra'a mai tätahi mai. 'Ua 'oa'oa te mau 'ihitai i te fa'aro'ora'a atu ; 'aita rä rätou i färiu a'e 'e 'ua fa'aea muhu 'ore noa. I ni'a i te mau fenua ra, 'o te natura tä'ato'a ïa tei mäuruuru : mai te mau vähi ato'a, të pa'a'ina mai ra te mau 'äruera'a ; 'oa'oa iti rahi tö te ta'ata 'e tö te 'animara, tei hau atu i te farara mata'i 'e te 'ävïvï 'are miti i ni'a i te a'au. Të 'oto ra te mau manu, të 'ä'aoa ra te mau moa oni, të reoreo ra te mau moa ufa, 'a 'aoa noa ai te mau 'ürï. I te tahi taime, të 'ü'uru türoto mai ra ïa te mau pua'a, 'a rere noa ai te mau pëtea i ni'a i te ra'i, mä te maniania rahi. Të hoe mämü noa ra ïa te feiä 'o Täfa'i, mä te färiu 'ore, 'a nu'u noa ai te mau fenua i ni'a i te moana.