TE A'AI O NONA

11 'Ua taha te Rā i Tahara'a. 'Ua ho'i te vahine taehae i te ana mato tārere. Tē tārava nei te tino 'o Hina i ni'a i te ro'i. 'Oto atu rā te reo o te metua vahine : 'Āuē te mamae i tō'u nei 'ōpū ! E'amu ānei te metua vahine i tāna tama ? 'Āuē ! Hōhoni atura i teie 'arapo'a. Fati atura tōna mau niho, inaha, e'ere i te upo'o, e ha'ari ra teie. E'ere ato'a i te tino, e tumu mei'a rā. Riri 'ū'ana atura te vahine taehae. Tūo atura 'oia : Hina, Hina ! Tei hea ’oe ? Haae ! Haae ! 'Aita e pāhonora'a, 'ua horo te tamāhine.