TE A'AI O NONA

13 'Imi atu ra te metua vahine i tāna tama mai te ma'o taehae i te tairoto. Tae atu ra ‘oia i te 'ōtu'e 'o Tefauroa. I reira, tē tāpuni ra 'o Hina i muri i te 'aito ra 'o Noa. Ani atu ra 'o Nona 'ia Noa : - Noa iti ē, 'eiaha e tāpe'a 'ia Hina, 'a pohe ai 'oe i te niho rōroa ! - Nona ē, 'a 'ōu'a mai. E fati tō niho i tō'u rima. 'Ou'a atura 'o Nona. Hōhoni atura 'oia. Para'u atura 'oia. Pītore atura te 'arapo'a. Puta atura te 'ōuma. Tahe atura te toto o te 'aito ra 'o Noa. 'Aita rā te 'aito i 'ōtohe. Mau atu ra 'ia Noa i te rouru a te vahine taehae… Huti atu ra i raro. Tūpa'i atu ra i teie upo'o i ni'a i te hō'ē 'ōfa'i.