TE TERE O RATA

11 Te hue I te taitua, ’ite a’era te mau ta’ata ’o Rätä i te hö’ë hue e päinu haere noa ra nä ni’a i te ’iriätai. ’Ua haru ihora te mau ta’ata iäna ’e huri maira i ni’a i te pahï. Hitimahuta roa a’era rätou i te fa’aro’ora’a i te hö’ë reo mai roto mai i te hue ra : - E Rätä ! E pe’e ato’a vau ia ’outou. ’Ua maere roa ’o Rätä i te ta’ara’a i te reo o te ta’ata täna i vaiiho i ni’a i te fenua. Ui atura Rätä iäna ë : - Nö te aha ’oe e onoono ai i te tere nä muri ia mätou ? Pähono maira teie ë : - Të mana’o nei au ë, ’ua iri tö’u nä metua i ni’a i te motu tä ’oe e fano ti’a ra. E hia’ai rahi tö’u i te färerei fa’ahou ia räua. Nö töna aroha, fa’ari’i ihora ’o Rätä iäna i ni’a i te pahï. Fäura mai nei hö’ë ta’ata mai roto mai i te hue. Ma’iri atura ’o Rätä i töna i’oa : ’o Punua. ’Ua ha’apärahi iäna i te reimua o te pahï, nö te moemoe i të tupu mai i ni’a i te moana.