TE TERE O RATA

19 Te fenua he'euri ’Auë ïa fenua i te ruperupe ë ! E mau manu ’itea-’ore-hia të rere haere ra nä ni’a a’e ia rätou, ’e, ’ua rau te ’oto e pïna’ina’i ra mai roto mai i te uru rä’au. ’A toro noa ai te mau ’änävai ë tae roa atu i te muriävai, të ori haere noa ra te i’a rau i tätahi roa, ma te mata’u ’ore. ’Auë ïa fenua i te ruperupe ë ! Inaha, vevo maira te mau pahu ’äpe’ehia e te mau hïmene ’arora’a. Nö te ri’ari’a, ha’apü atura te feiä o Rätä i roto i te pahï. Toe noa mai nei ’o Rätä räua ’o Punua i tahatai. ’Ua ineine roa räua nö te ’aro.