25 ’Ua tomo ’oia i roto i te fare ’o Manupeke. ’Ua vai muhu noa ’oia, nö te nehenehe o te fare, te mau moiha’a e vai ra i roto… Taime roa i muri iho, parau atu ra ’o Manupeke nä roto i te hö’ë reo hauri’ari’a : “’Ua fa’aro’o vau i to ’oe reo navenave ! E reo ’oto ! E reo fa’ahina’aro ia Meheani ! ’Eiaha e ’oto fa’ahou. Erä ’o Meheani i te tahi fenua i raro i te moana. E fenua terä mai teie fenua e orahia ra e tätou. Tei ’ö ’o Meheani ! ’O Havaiiki Nui te i’oa o terä fenua. E orara’a maita’i, ’oa’oa e te ’oto ato’a rä ”. ’Ua mäuiui roa ’o Kemanuokehini i te fa’aro’ora’a i teie mau parau. Rahi atu ä töna ’oto ’e te here i täna vahine ! Ui atu ra ’o Manupeke iäna : «E aha, e hina’aro mau ä ’oe ’ia ho’i mai ’o Meheani mai Havaiiki Nui mai ?» - ’Oia mau e te tahu’a ë !», të pähonora’a ïa a Kemanuokehini. Parau fa’ahou atu ra ’o Manupeke : «Erä ’o Meheani i Havaiiki Nui i te ’äti ra, ’ua tui töna ro’o, ’o Akitaketai te i’oa. ’Ua fa’arirohia ’oia mai te hö’ë ari’i vahine ra te huru, fa’atura-rahi-hia. ’Ua riro ’oia ’ei ufa tapu nö te nunaa nö Havaiiki Nui.»
RkJQdWJsaXNoZXIy NzgwOTcw