29 ’Ua haruhia ’oia e te mau manu hui ari’i nö Havaiiki Nui. ’Ua hina’aro te ari’i o terä ’äti, e fa’aipoipo i täna tama ari’i ’e te tahi tamähine nö te fenua ’o Kemanuokehini, ’oia ho’i te fenua e vai ra i ni’a i te moana. - E ti’a ’ia ’ämui ! ’Ia ’ämui mai te mau manu nö te tai ’e te mau manu nö te reva. E ti’a ato’a ’ia ’ämui mai te mau manu e rere ra nä raro i te moana, ’aore ra nä ni’a a’e i te moana. I teienei ra ! I teienei ra… I teienei rä, e ta’i noa ra ’o Meheani. E here rahi tö Meheani ia Kemanuokehini. ’Ore roa ’oia e ’oa’oa ra ! ’Ore roa ’oia e rere fa’ahou ! ’Ore roa ’oia e tïtïaho ! ’Ore roa ! ’Ore roa ! Nä’ö atu ra ’o Manupeke : «E toru fa’ahepora’a, e toru tauto’ora’a, e toru ’atira’a ’äva’e, e ti’a ’ia manuia pauroa». I te otira’a tä räua tau’ara’a parau, ’ua ho’i atu ’o Kemanuokehini i töna nohora’a. ’Ua marü töna ’ä’au, ’e të ha’amana’o noa ra ia Meheani. ’A tïa’i noa ai i te taime i fa’ata’ahia nö te rave i tä Manupeke i fa’ahepo, të rere nei ’oia nä tai atu i te vahi pi’ihia ’o Ua Uka nö te ha’afätata atu ia Meheani.
RkJQdWJsaXNoZXIy NzgwOTcw