50 I tïtahi â, enä âua i Muake, ù peàu Matuhonu pee nei : «E Kemanuokehini e ! He èo tënei e taa nei ia ù. He òe tënei e ape nei ia ù, e peàu aa : “A ona mai ! A ùku mai !” He èo tënei e aahi nei i to ù heeìa ! Ù vivini koè ia ù mei hea mai tënei èo ! Atika â, e kohoà nei au e hakaòko i tënei èo. E utaì au ma muì o tënei èo. Enä au a vai ia òe ! Enä au a titii ia òe ! E hee au… io he tiketike nui, io he höhönu nui, io he vahi e tau atu au… A noho òe ! Enä au a hee…» Ua ona Matuhonu, ona, ona… Ua kaò nui… Ù mamae nui te koekoe o Kemanuokehini i te òkoìa i hua tau tekao nei. Te maakau uëìa i te kaòìa o Meheani. Oia nei te ùa o te manu tähia o ta ïa e pae atu. Ua uë to ïa koekoe : «Pëhea òe e hee ana ?» Aï to ïa uë ! Te uë ia tiòhi atu ia Matuhonu e ona aa ! E ona aa Matuhonu... Ù tiòhi ananu ïa ia Matuhonu tihe i te ùkuìa io he tai moana i mua o Hakaui. Koè nui Matuhonu i ea mai hakaùa. Ua ona Kemanuokehini tihe i ùka aè o te ava tai o Hakaui me te ùku atu. E tahi ùkuìa, e ùa ùkuìa, e toù ùkuìa... ua kaò ananu o Matuhonu. Me te ona atu o Kemanuokehini io he köutu, kuhane koè, keha koè, e uë aa…
RkJQdWJsaXNoZXIy NzgwOTcw