62 E toru mahana i muri mai, ’ua fa’atupuhia te fa’aipoipora’a i rotopü i nä ’öpü huiari’i nö Havaiiki nui ’e nö Keiaki. ’Ua tähö’ë te mau manu ato’a : - tö te fenua : te ’ötätare, te ’uriri, te ’ü’upa, te ’öpe’a, te ’ötu’u, te vini, te rupe… - tö te tai : te a’o, te ’ötaha, te ua’ao, te ’ïtäta’e, te pëtea… ’Ua ’ämui atu te mau i’a ato’a : te honu, te fäfäpiti, te fa’ia, te ’öu’a, te tëteta… ’Ua ’ämui ato’a atu tö Havaiiki Nui : te kaveka, te a’o, te ’ötaha, te pëtea, te tötara… E mahana ’öro’a, ’oa’oa rahi ! ’Ua rere te mau manu nö te ’ori i tä rätou mau ’ori. E mea ta’a ’ë te ’ori a tö te fenua, e mea ta’a ’ë tä tö te tai. E mea ta’a ’ë tä Havaiiki Nui. ’Ua ’ori ’o Mehetai i te haka manu, ’ua ’äpe’e atu ’o Matuhonu nä muri. ’Auë te ’oa’oa ’ia hi’ohia atu ia räua ! E mahana ’öro’a rahi mau ä teie nä te mau manu. Mai teie mahana ’öro’a fa’aipoipora’a, ’ua hö’ë te mau manu ato’a, tö te fenua e tö te tai.
RkJQdWJsaXNoZXIy NzgwOTcw