MAUI - Te mareira'a i te ra

I te otira’a ihoä täna here i te firi, mau a’e nei ’o Mäui i teie ruru taura i ni’a i töna nä pa’ufifi, ’e haere ti’a atura i te vähi e hiti te mahana. ’Ua fëra’ora’o i taua taime ra, ’ua ha’amata ato’a mai te hihi o te rä i te tötoro ri’i mai i räpae. ’Ua ’ite ’o Mäui, o te taime tano teie nö te märei i te rä. ’Aita atura ’öna i tïa’i fa’ahou, ’öu’a atura i ni’a i te a’au nö te haere e moemoe i te pü o te mahana ’ia fä ana’e mai. 20