MAUI - Te mareira'a i te ra

’Ua pau te ahu a te rä, ’ua pau ato’a täna ’öu’a, ’aita te here a Mäui i mutu. ’Ua paruparu te rä i taua taime ra, fa’aea ihora i te ’öu'a. E reo iti marü roa töna i te anira’a atu ia Maui ë : «’A tu’u iä’u e Mäui ë... - E tu’u vau ia ’oe, mai te peu ë e’ita ’oe e rü fa’ahou i tö ’oe tere. ’Ua ’oru’oru te ’utu o te mau ta’ata i te ’ai-ota-noa ra’a i tä rätou mä’a. ’Ua vai noa atura te marae o te mau atua, ’aita i oti fa’ahou i te patu. ’Ua ’ï ato’a tö mätou mau mata i te vare i te ’ohipa ta'oto noa. ’A ’ara’ara mai ho’i tö mätou mata, ’a ’äfaro mai ho’i te mä- ramarama i te ao, teie ’oe, i to’o’a o te rä. 28