MAUI - Te mareira'a i te ra

’Aore roa hö’ë a'e ’ohipa e oti nei i te ravehia, ’aore roa hö’ë a’e tuatäpapara’a ’ohipa a te ta’ata e nahonaho nei i te ravehia nö te poto o te tere o te mahana i ni’a i te ra’i. ’A tahu atu te ta’ata i te ahimä’a i te po’ipo’i, ’a ha’apo’i atu i teie ahimä’a, ’aita ä te mä’a i ’ä atu ra, ’ua pö fa’ahou. ’A ’ama mai te mä’a, ’a hüa’i mai i teie ahimä’a, ’a ha’amata mai i te tämä’a, ’ua mo’e fa’ahou te rä i raro i te ’iriätai. Tämä’a ’oi’oi noa atura te ta’ata, ’aita atura i tahu fa’ahou i te ahimä’a, ’ai ota noa atura i tä rätou mä’a. 6