’Aua’a a’e rä hö’ë mahana noa ’e hö’ë pö teie miti rahi ’e te vero uira. ’Ia po’ipo’i a’e, ’ua itehia atu te manu e mahuta nei i ni’a a’e i te va’a. I te tahara’a mahana, tuö maira te hö’ë reo : « Tëro, e fenua ! E fenua hömä, erä te fenua ! Te reo o Päpä’ü i te pähonora’a mai ë : -’O Havaii teie e ära’a mai nei i te ätea. Nö töna ’oa’oa, pehepehe ra’a ïa : ’Auë ’oe Havaii ë Havaii marumaru Havaii i mihihia e te mau tupuna Havaii fenua o te tapu Taipe nö te hau Taipe nö te ora Havaii, fenua nö te tama.»
RkJQdWJsaXNoZXIy NzgwOTcw