3 Të vai nei tokorua nä tapairu viruviru roa nö GANAIA. E noho ana hoki räua ki TEKAHORA. Ko Tei-poi-te-marama ke ko Tei-poi-tehere tö räua igoa, «Poi-mai-te-marako» ke «Poi-mai-te-here». Tae ake ra ki te tahi hana, kua haere nä marania nei ki te matira paru nä tua ki TEKAHORA. Kite atu ra räua ki te tahi könao toreu nä te pae tua noa mai ki te akau. Kua hopu räua ke kua kau ki ruga ki taua könao ra. Hipa tika atu te aroga ki tua mai, matira noa ai. Nö te kai o tä räua paru, koakoa roa ake ra räua. Kua puke roa hoki tä räua paru. Rekoreko atu ra räua nö te hoki. Tika atu ra räua ki ruga ke hipa iho ra ki uta. Kua ätea roa te käega. Te hakamata ra te gäere ki te garo. Ki reira räua ki hakapago ai ë, kua törire räua.
RkJQdWJsaXNoZXIy NzgwOTcw