Direction de l’Enseignement Primaire –Cellule LCP- Enseignants ‘Orero : Rufina Tetumu et Abel Teahua - 42 - CYCLE 2 PEHEPEHE PĀTA’UTA’U Teie tō’u upo’o Teie tō’u upo’o Nō te ferurira’a Tāpo’ihia i te rouru Teie tō’u nā tari’a Nō te fa’aro’ora’a E nō te poe i te tiare E piti ’arumata Nō te pārurura’a I tō’u nā mata nehenehe Teie tō’u ihu E tō’u nā ’utu Nō te ’apā t tō ’oe pāpāri’a ē Irène Atu Te taro Monate monate ! ’Auē e taro u’au’a Nō te ’ohu Monate monate ! Tupa’i penu Pa’a’ina penu Po’o’ā iho a penu e E he ! piri mona tā’u ’a’i A ha ! piri mona tā’u ’a’i Tiare Bonnet Tō ’oe fenua E tā’u tamahine, e tā’u tamaiti ’A hi’o i ni’a, ’a hi’o i raro ’A hi’o i tai, ’a hi’o i uta ’A hi’o i te hitira’a o te rā ’A hi’o i te topara’a o te rā Erā to ’oe fenua Nā to ’oe tupuna i vai iho mai nō ’oe Turo Raapoto Te va’a Te mau tamari’i ē ! ’O ! Maumau te hoe iti Maumau te hoe iti ( tāpiti ) ’A hoe i te va’a ( tāpiti ) Tē tārava ra te a’au iti Tiare Bonnet Fa’ateni ’āi’a E te tari’a ē, ’A fa’aro’o i te navenave o tā’u pehe E te mata ē, ’A hi’o i te nehenehe o tō’u fenua E te ihu ē, ’A ho’i i te no’ano’a o te miri E te vaha ē, A fāna’o i te haumārū o te pape E tā’u vārua ē, ’A te’ote’o, e fenua maita’i tō ’oe ’A ’ou’au’a, tei mua ia ’oe te ora Turo Raapoto
RkJQdWJsaXNoZXIy NzgwOTcw