Direction de l’Enseignement Primaire –Cellule LCP- Enseignants ‘Orero : Rufina Tetumu et Abel Teahua - 43 - CYCLE 3 PEHEPEHE PĀTA’UTA’U Te mou’a Te mou’a te tara o te fenua Te reira tōna upo’o Te te’oteora’a ia o te ta’ata Nā te mata’i o te reva e tāviri i te hei ari’i nōna. Te mou’a te mata o te fenua I tōna roi mata e haumārū ai te fenua E mata metua ia Tei ’ī i te aroha i tāna mau tamari’i I tano ai te mā’a parau iti ra e : Ha’amana’o i tō mou’a. Turo Raapoto Puhi iti ē Puhi iti ē Puhi iti fa’a’ao’ao noa ( I ) te hiti o tōna ’āpo’o ’Auē ia puhi iti ē Puhi iti na’ina’i Puhi iti ’ōviri Puhi iti ’ōpatapata ē - hi Puhi iti rahi ē Puhi iti ha’ehe’e Puhi iti ’ō’ere’ere ē – ha Faimano Oopa - traditionnel Te ha’ari Pōniu i te po’ipo’i roa Haere te mahana i te teiteira’a Haere tā’u pape i te rahira’a Aita rā i monamona E ’ouo noa ho’i au. Teatea tā’u mā’a i te avatea Monamona te vai i te ’apu tea E nīhā tā’u i teie nei. Fa’ataha iho nei te mahana I te pā’eta’etara’a te ’i’o nō’u Te ’ōmoto i te vai piha’aha’a ra. Marua mai nei au i te he’era’a atu te mahana ’Ua pa’apa’a roa tā’u tino : e ha’ari au Imi mai nei i te haumārū o te fenua. Tei raro te mahana Tei ni’a te hīrau Ua pau tā’u pape i te tere roa nei E uto rā tā’u ’Ei mā’a nā te ha’ari ’āpī nei. Turo Raapoto Nō te ’oura E ha he ’Onana ’onana ’Onana ’onana ’Ahiri ’a ha’aha’a ’Onana i te vai e tere e ’Ahiri ’a ha’aha’a Raro a’e i te ’ōfa’i ’Ahiri ’a ha’aha’a ’Auē ! ’ōura ’itara e patī ē ’Auē ! ’ōura ’itara e patī ē Fatifati tenā mā’ira tāpiti ’Oura ’itara e patī ē Tiare Bonnet Hitapere Hitapere, ’una’una nō te mau mou’a Vai teatea, vai to’eto’e Tei fa’ahaumārū i tō’u tino ’ōura ’itara tei patī i roto i te ’ānāvai Riro iho nei ’oe ei tahora, Tei fa’ahe’euri i te mau rā’au Hitapere, Hitapere Irène Atu
RkJQdWJsaXNoZXIy NzgwOTcw