Lexique - EPS en tahitien

PORO' I 'OMUARA'A 'A ineine ai tätou i te 'ävari atu i teie nei tenetere 'äpï, të vai ti'a noa ato'a nei ä tö tätou reo tahiti : 'ei reo ho'i nö tö tätou Nüna'a. Mai te taime 'a täpurahia ai te ha'api'ira'a o tö tätou nei reo i roto i te tä'äto'ara'a o tä tätou mau tuha'a ha'api'ira'a, 'oia ho'i : mai te tamahou, te tuatahi, te tuarua 'e te tuatoru, 'a riro roa ai 'oia i te vai-ti'a päpü mau atu ä. Maoti ato'a rä ho'i te mau 'orometua e tauto'o tämau nei i roto i taua tuha'a ra i te pü CRDP i te nene'ira'a i te tahi pu'era'a puta iti e tü atu i te raura'a o te mau tuha'a parau e fa'ata'ahia atu i roto i tä rätou ra piha ha'api'ira'a i 'äpiti ana'anatae päpü ato'a mai ai ho'i te Fare Väna'a. 'Ia riro ia teie nei pu'era'a puta iti E te mau tamari’i … 'ei räve'a päturura'a atu i te hui 'orometua ha'api'i i roto i tä rätou tauto'ora'a nö te vai-ti'a-mäite-ra'a o tö tätou reo 'e 'ei pa'epa'e-päpü-ra'a ato'a i tö tätou hïro'a tumu mä'ohi mai te tau mai ä ë inaha nei ho'i. Te Vana’a Nui Maco Tevane 7