Manuel REO TAHITI 6e

35 TE PAPE ORA NÖ TE TA’ATA MÄRAMARAMARA’A I TE PÄPA’I ’A fa’ahöho’a ’e ’a päpa’i mai i te tau ’ohura’a o te pape ’A tai’o maita’i ’e ’a ’imi i te mau räve’a nö te päruru i te nätura ’A pähono mai Te pae mou’a Te tairoto Te fa’a ’e te tahatai ’Aita e ora mai te peu ’aita e pape. E ’ere te pape i te hö’ë ’ohipa hämanihia e te ta’ata. Nä te ua e fa’a’äpï i te pape. E fa’a’ohipahia te pape nö te ha’amaita’i ’e nö te tämä i te tino ’e te moiha’a ato’a, nö te fa’atupu i te rä’au, nö te pïpï i te tiare ’e te mä’a i roto i te fa’a’apu, nö te patu i te ha’apuna vai ’e te ha’apuna itouira. Terä rä, ’ua ha’avi’ivi’ihia te pape. E aha te faufa’a o te pape ? � E fa’a’ohipahia te pape nö te … Nä te aha e fa’a’äpï i te pape ? � Nä te … e fa’a’äpï i te pape. Nä vai e ha’avi’ivi’i i te pape ? � Nä te … e ha’avi’ivi’i i te pape. I ni’a i te mou’a, ’ua rau te mau tumu rä’au ’e te mau ’änimara. Te mau fifi e färereihia nei : - te täpüra’a i te mau tumu rä’au nö te hämani i te fare ’e te mau porömu, - te mau auahi, - te fa’aöra’a i te mau rä’au, mai te mitonia, te faratata, o tei ha’apohe i te rä’au tumu o te fenua nei , - te fa’aöra’a i te mau ’änimara, mai te manu ’aimoa, te manu tohe ’ura, te manu pua’atoro, te mïmï, te ’iore o tei ha’apohe i te manu o te fenua nei, mai te ’ü’upa, te manu ’ofe, te noha, te ’ömäma’o, te meho, … Te äraira’a, nä ’oe ï a e ’imi mai i te mau räve’a. I roto i te fa’a, ’ua rau ato’a te tumu rä’au, te fa’a’apu ’e te ’änimara. Mea faufa’a te ’änävai nö te puhi, te ’öura ’e te i’a. Te mau fifi e färereihia nei : - te täpüra’a i te mau tumu rä’au, - te vi’ivi’ira’a o te mau tahora pape, - te rä’au ha’apohe i te manumanu o te mau fa’a’apu, o te ha’apohe ato’a i te manu meri, e manu ho’i teie nö te fa’a’äere i te mä’a hotu (te vï, te ’änani, te täporo,…) - te fa’aöra’a i te manumanu mai te rö uira o te fa’a’ino i te orara’a o te ta’ata. Te äraira’a, nä ’oe e ’imi mai i te mau räve’a. I te pae tai, ’ua rau te huru o te mau manu : te i’a, te remu, te ’öura miti, te to’a ’e të vai atu ra. Nä teie mau manu e fa’aora i te mau ta’ata. Te mau fifi e färereihia nei : - te vero rahi, - te ahura’a o te moana, - te ravera’a a te ta’ata : te tautaira’a i te tau rähui, te fa’atura ’ore i te fäito o te ’ïna’i moana fa’aauhia nä te hau, - te fa’aru’era’a i te pape vi’ivi’i, Te äraira’a, nä ’oe e ’imi mai i te mau räve’a. I UTA I TAI I ROTO I TE FA’A ’E I TAHATAI toru ’ahuru ma pae