Manuel REO TAHITI 6e

45 maha ’ahuru ma pae TE TÜ’ARO NÖ TE HÖ’Ë EA MAITA’I MÄRAMARAMARA’A I TE PARAU ’A fa’aro’o mai TE HÄHAERERA’A Mämä : E Maeva ! ’Aita ’oe i rave i tö’u tïa’a tü’aro ? Maeva : E aha, e tïa’a tü’aro ato’a tö ’oe ? Teva : ’Ë ! e mea ’äpï roa. Mäua o mämä tei haere e ho’o mai i te mahana piti ra. Të hina’aro nei ’öna e fa’a’eta’eta i töna tino. Maeva : E ë ! Mämä ë ! ’Ua pa’ari ho’i ’oe ! ’Aita e faufa’a ! Mämä : ’Ua ite ’oe e Maeva ! ’Aita e matahiti nö te ravera’a i te tahi tü’aro. Maeva : ’O vai ï a te pupu pä’ira’a pöpö e hina’aro mai ia ’oe ? Teva : E hoa a’e ra Maeva, te tü’aro e ’ere noa ï a te pä’ira’a pöpö. Mämä : ’Oia mau, ’ia fa’ahiti-ana’e-hia te tü’aro, ’oi’oi roa te mana’o o te ta’ata e horo i ni’a i te t u ’ e r a ’ a ’aore rä i te pä’ira’a pöpö. Të vai ato’a ra te horora’a, te hoera’a va’a, te ’aura’a… ’o vau nei, e haere ï a vau i ni’a i te hähaerera’a. Teva : Mea ’ë roa teie huru tü’aro ! Maeva : Mana’o vau ’ia tae täua i te tahi fäito matahiti, e rave noa täua i terä fa’anahora’a. Teva : E’ita ! e’ita e tano nö te täne. Maeva : E hi’o ï a täua. Mämä : ’Ua ’ite ’oe ! Teie ’ohipa, e ’ere ï a, nö te fa’ariro ia ’oe ’ei ’aito. ’Ia vai maita’i-noa-ra tö ’oe ea. Teva : ’A, nö reira ï a terä rahira’a ta’ata e hähaere ai nä raro i te mau mahana ato’a. Të uiui noa ra ihoä vau, nö te aha ra ho’i rätou e ha’amäu’a ai i tö rätou taime ? TE TÄMARÜRA’A Maeva : Ina’a ho’i ’örua, e’ita e haere fa’ahou e ta’ahi ? Teva : E Maeva, toru hora tö mäua mämä fa’aru’era’a i te fare. Maeva : E aha ia ! Mämä : ’Auë ’aiü ë, ina’a e fa’aea noa ’oe i mua i tä ’oe mätini rorouira. Teva : ’A hi’o na tö ’oe mata ’ua ’ute’ute roa. Mämä : ’Ua nu’u rä tä ’oe ’ohipa i mua ’aore rä ’ua rahi a’e te patapatara’a ma’au. Teva : E tö’u tuahine, ’ua parau mai tä’u ’orometua, ha’apa’o maita’i e fa’atïtï te rorouira ia ’oe ! Mämä : Të ha’apa’o ato’a ra ’oe i tö ’oe tino. Të vï atu ra te ’ahu. Teva : Tei ia ’oe noa te fa’aotira’a, fa’atahe i te hou ’aore ra fa’arahi i te mi’i. Maeva : E haere au e ta’oto. Mämä : E Maeva e hora ’amura’a tihöpu ho’i teie… 1. E aha te tumu parau nö te täu’aparaura’a ? 2. ’O vai teie e ui mäere nei ? 3. Nö te aha o mämä e rave ai i teie nei ’ohipa ? 4. E aha te mau mana’o o Teva nö teie tü’aro ? 5. E aha te mana’o o Maeva nö te mau fa’ahitira’a parau ? ’A fa’aro’o mai ä