Manuel REO TAHITI 6e

47 maha ’ahuru ma hitu TE TA’ATA MA’I MÄRAMARAMARA’A I TE PÄPA’I ’A tai’o mai Te ma’i hota A Nä te mau metua, ’A tauturu ia mätou nö te arai ’ia ’ore roa te ma’i hota A ’ia parare ’e nö te pärurura’a i te feiä tei ro’o-’öhie-hia i teie ma’i ! Näfea ra ? ’Ia fïvahia tä ’oe tamari’i : • Färerei atu i te taote … • Täpe’a atu i tä ’oe tamari’i i te fare i te roara’a o töna ma’i. • Ha’api’i atu iäna i te : - fa’atë i töna hupë, ’ia hota ’aita ra ’ia ma’itihe i roto i te hö’ë horoi päpie, - fa’aru’e i te horoi päpie i roto i te vaira’a pehu, - tämä i nä rima i te pu’a. ’A tai’o mai ä I te fare ma’i ’Ua ro’ohia tö’u tino i te ma’i rahi ’Ua ’imi tö’u hoa i te räve’a Nö te fa’aora i tö’u nei ma’i ’Aita ra ho’i e räve’a ’Auë ’auë iä’u tino iti ë I te mäuiui rahi e Näfea ra, näfea e tä’u nä metua ’Ua rava’i roa i te fa’a’oroma’i • E aha te aura’a te mau parau i rënihia ? • E aha te mau räve’a tä te mau metua, mau taote i ’imi ? • E aha tö ’oe mana’o i teie nei hïmene ? ’A tai’o fa’ahou mai ä Te hämanira’a rä’au Ha’apiha’a te tahi rau’ere miro ’e te pa’a miro Horoi mähanahana noa te vähi ma’ero ’Ia oti, täpüpü te mä’a miro pu’u Parai atu te täpau i ni’a iho • E aha te mana’o nö teie huru hämanira’a rä’au ? • E aha te huru o te täpau i ni’a i te tino ?