Manuel REO TAHITI 6e

Tikehau (2) ’Ua fa’aoti te mau ha’api’ira’a nö te po’ipo’i. Të tämä’a nei ’o Tama räua ’o Ariki i te fare tämä’ara’a a te fare ha’api’ira’a. ’Ua ui atu ra ’o Tama i töna hoa : - ’Ähani, e mea näfea ’oe ’ia haere i Tikehau ? ’Ua pähono mai ra ’o Ariki : - ’Ua tae au i’ö nä ni’a i te hö’ë manureva na’ina’i. E nehenehe ato’a rä ’oe e reva i’ö nä ni’a i te pahï. ’Ua parau iho ra ’o Tama : - ’A fa’a’ite mai na i te huru o terä motu. Feruri iho ra ’o Ariki e na ’ö mai ra : - E motu ’o Tikehau nö Tuämotu mä. E motu nehenehe roa. Mai tä’u i parau ia ’oe, e motu haeha’a teie. E mea ’uo’uo maita’i te one tahatai. ’Ia hi’o ’oe i te miti, e mea matie, e mea nïnamu, nïnamu tea, nïnamu pa’o. ’Auë te marania ë ! ’Ua ani atu ra ’o Tama : - E aha te aura’a o terä ta’o «marania» ? ’Ua ’äfa’i atu ra ’o Ariki i töna nau pa’ufifi i ni’a ’e parau mai ra : - Tano maita’i. E ha’api’ira’a reo tahiti tä täua i teie avatea, e ani ï a täua i te aura’a o terä ta’o i te ’orometua ha’api’i reo tahiti. ’A ti’a mai, e haere täua. TE HURU O TE HÖ’Ë MOTU PÄPA’IRA’A 1. ’A tai’o mai 2. ’A fa’a’ite mai ’A mä’iti i te hö’ë motu ’e ’a fa’a’ite mai i te huru o te motu ’o tä ’oe e ’ite ra. ’A päpa’i mai e maha a’e ’ïrava. Hi’ora’a : E motu haeha’a ’o Tikehau. E motu nö Tuämotu mä. E motu nehenehe roa. E mea ’uo’uo te one tahatai. Te mau ha’api’ira’a : Les cours Marania (pa’umotu) : Belle, une belle femme Te ’ü : La couleur Te ’ü tea : La couleur claire Te ’ü pa’o : La couleur foncée Te ta’o ha’apäpü i’oa : L’adjectif HEURA’A TA’O 66 ono ’ahuru ma ono