Manuel REO TAHITI 6e

71 hitu ’ahuru ma hö’ë Te pere’o’o miro Mahana rahi ato’a nö Teva e töna mau hoa e noho ra i te tuha’a nohora’a haumärü. Po’ipo’i roa rätou i te arara’a nö te haere e pöfa’i i te mä’a miro i piha’i iho noa i te fare ’oire. E ’ere i te mea ’öhie. ’Eiaha ’o Maru, te mono tävana, ’ia ’ite mai, ’ua pohe te tahi i te tu’ehia. ’Oia mau, të varavara noa atu ra teie nei tumu rä’au i mana’o ai te mau ti’a mana e päruru iäna. Noa atu ’e noa atu, e’ita ihoä te mau tamari’i e vï. Püai a’e te mana’o ha’uti. I te roa’ara’a ihoä te mau huero, erä e reva atu e ti’i i te mau punu tämono pau, te tahi naero ’e te mau nï’au i taraihia. ’Ua ha’amata i te fa’a’äpo’o nä te hiti, mai te peu e piti i te hö’ë pae, e piti ato’a i te tahi pae. E päutuutu ï a te tino o te pere’o’o. ’Ia oti, e pätia i te mau nï’au ma te fa’afäura i te tahi pae. Te tuha’a hope’a, o te tu’ura’a ï a i te mau huero miro pa’ari maita’i ’ei huira. ’Ua ineine, e ha’amata ï a i te hämani i te tahi purümu ’äpï. TE TAHI HÄMANIRA’A MÄRAMARAMARA’A I TE PÄPA’IRA’A ’A tai’o mai 1. Nö te aha teie mahana e mahana rahi nö Teva mä ? 2. E aha tö ’oe mana’o i te huru o te mono tävana ? 3. « E’ita te tamari’i e vï. », ’a höro’a mai i te tahi mau hi’ora’a ? 4. E aha te faufa’a o nä ’äpo’o i nä pae e piti ? 5. Nö vai teie nei purümu ’äpï ? ’A pähono mai Te hämanira’a mono’i I teie mahana, ’ia haere te mau ta’ata e hopu i te miti, e parai te rahira’a i tö rätou tino i te mono’i. E haere ï a e ho’o mai. Mea ’öhie roa ho’i töna hämanira’a. E räve’a fa’a’ana’anatae ato’a teie. Teie te tahi arata’ira’a : 1. ’a ’ohi ’ahuru ha’ari uto, 2. ’a ’ö atu ’e ’a horoi i te mau ’apu ha’ari, 3. ’a vähi nä röpü ’e ’a ’ana i roto i te hö’ë fa’ari’i, 4. ’a tu’u atu i te ’öhure u’a, 5. ’a oi i te ’öhure u’a ’e te mä’a ha’ari i ’anahia, 6. ’a täpo’i i te fa’ari’i e te tahi ’ahu, 7. ’a fa’aineine i te mau raupua o te tiare tahiti, 8. ’a fa’arapu i te tä’äto’ara’a, 9. ’a tära’i atu i ni’a i te mahana, 10. taime rä, ’a fa’arapu fa’ahou. ’A tai’o mai 1. Nö te aha ’aita te ta’ata e tämau noa ä i te hämanira’a mono’i ? 2. E aha te mau i’oa o te ha’ari ? 3. E’ita änei e tano e mono i te ’öhure u’a ? 4. E fifi änei ’ia vai-iho-hia i ni’a i te ua ? 5. E hia moni hö’ë rïtera mono’i ? ’A pähono mai